6 студзеня ў Менску мае адбыцца Круглы стол “Магчымасьці дыстанцыйнага навучаньня для людзей з абмежаванымі магчымасьцямі. Арганізатары сустрэчы – грамадзкае аб’яднаньне “Цэнтр сацыяльных інавацый” і “Беларуская асацыяцыя дапамогі дзецям інвалідам і маладым інвалідам”. Мэты і задачы круглага стала: 1. Абмеркаваньне праблемы доступу да адукацыі людзей з абмежаванымі магчымасьцямі спецыялістамі і прадстаўнікамі мэтавых груп. 2. Адказ на пытаньне, наколькі праблемы доступа да адукацыі вырашаюцца сродкамі дыстанцыйнага навучаньня. 3. Вызначэньне магчымасьці арганізацыі і рэалізацыі адукацыйных праектаў і праграм для людзей з абмежаванымі магчымасьцямі. Круглы стол мае адбыцца ў Беларускім рэсурсна-адаптацыйным цэнтры ”Адкрытыя дзьверы” па адрасе: Менск, вул.Ясеніна, д.141. Пачатак працы а 13-ай гадзіне. Больш падрабязную інфармацыю можна атрымаць па тэлефонах: 284 07 09, 8-029-402 59 74 (Максім Мароз). Падрыхтавала Кася КРОТ ад грамадзкага аб’яднаньня “Цэнтр “Трэці сектар”
|