Звязда № 82 (25947), 4.05.2007 У Нясвiжы адкрыта памятная дошка, што пацвярджае ўключэнне Архiтэктурна-культурнага комплексу рэзiдэнцыi Радзiвiлаў у Спiс сусветнай культурнай i прыроднай спадчыны ЮНЕСКО.
Як адзначыў намеснiк мiнiстра культуры Беларусi Уладзiмiр Грыдзюшка, праведзена вялiкая работа па рэканструкцыi комплексу, даследаванню гiстарычнага матэрыялу Нясвiжскага краю. У вынiку гэтай дзейнасцi, а таксама дзякуючы намаганням экспертаў ЮНЕСКО — Мiжнароднага савета па пытаннях аховы помнiкаў i выдатных мясцiн (IСОMОS) з лiпеня 2005 года рэзiдэнцыя Радзiвiлаў стала не толькi гiсторыка-культурнай спадчынай Беларусi, але i ўсяго чалавецтва. Гэта трэцi архiтэктурны помнiк нашай краiны, унесены ў Спiс сусветнай спадчыны ЮНЕСКО. З нагоды ўключэння рэзiдэнцыi Радзiвiлаў у Спiс сусветнай культурнай i прыроднай спадчыны ЮНЕСКО ў фарным касцёле адбыўся канцэрт камернай музыкi. Камерныя калектывы Нацыянальнага аркестра Беларусi азнаёмiлi гасцей з музыкай Радзiвiлаўскай эпохi, якая не раз гучала ў залах замка. У мерапрыемстве прынялi ўдзел прадстаўнiкi ЮНЕСКО, удзельнiкi мiжнароднай канферэнцыi «Радзiвiлiяда», а таксама канферэнцыi «Хто ёсць хто», пасол Беларусi ў Лiтве Мiхаiл Дражын, дэпутаты Палаты Нацыянальнага сходу, журналiсты.
|